الحلقة الاولى .........!!

sweetpain كتب:ها مستعد تجاوب ولا؟
بالطبع مستعد

لو عايز تبكى تبكى على مين؟
ع الزمن والعمر اللى بيضيع منى وانا ما استغلتهوش كويس

انت راضى عن نفسك؟
الحمدلله

"مستحيل انساك "تقولها لمين؟
لشخص معين هفترق عنه ف يوم

اعترف بحاجه قدامنا دلوقتى؟
هعترف انى فطرت يوم ف رمضان دة بس بأذن الله هعوضة

نفسك تسافر فين؟
المــــــــــــــانيا

شهادتك اهم ولا الزواج من البنت اللى بتحبها؟
مش عايز شهادات " اذا الجواب واضح "

اول ما بتغمض عينك اول حاجه بتفكلر فيها ايه؟
بكرا ورايا اية مهم لازم اعمله

اول حاجه بتلفت انتباهك فى الشخص اللى قدامك؟
تصرفاته مع اصحابه

نفسك تعمل ايه فى المنتدى ومش عارف تعمله؟
لو ف نفسى حاجة اعملها , هعملها ع طول " بس مافيش حاجة ف نفسى "

حكمه تؤمن بها
المال خادمٌ جيد .. لكنه سيدٌ فاسد .

دمرت حياة شخص قبل كدا؟
طبعا لا لالالالالالالا

المظاهر مهمه بالنسبالك؟
ف بعض الاحيان المظهر بيكون مهم وليس كل الوقت

يلا جاوب بسرررعه واكيد راجعه تانى
منتظرينك

sea lover كتب:طبعا مش عافة اقولك ايه ع الاجابات الجامدة اوى دى و بجد الحوار معاك بيجيب اسئلة لوحده كده هههه

فلنبدأ...
وابتدينا

جاوب لو سمحت
اهو انا بجاوب اهوو

1_لو الاشخاص دول موجودين الان كنت تتمنى يكونو بالنسبه ليك مين(اب _اخ_ صديق_......)
وايه الصفه ال فى كل واحد الى شدت تختاره فى المكان ده

(سيدنا عمر بن الخطاب_السيده خديجه بنت خويلد_سيدنا عمار بن ياسر_سيدنا ابو بكر الصديق_سيدنا حمزه عم الرسول الكريم عليه افضل صلاه واتم تسليم_)
اب : سيدنا حمزة رضى الله عنه لانه شجاع وهو اسد الله فأكيد لو انا ابنه كنت هتربى ع اخلاقه وابقى زيه
الزوجة : السيدة خديجة لانها نعم الزوجة الصالحة والصبورة
الاخ : سيدنا عمار بن ياسر رضى الله عنه لانه وقف بجانب الامام على رضى الله عنه واستشهد ف موقعة صفين ومن قتله كانت الفئه الباغية كما قال الرسول ص وكان عمره 93ة عاما دة حسب معلوماتى
الصديق : طبعا سيدنا ابو بكر الصديق رضى الله عنه لانه نعم الصديق حيث وقف بجانب صاحبه رغم الصعوبات اللى قابلها والتعذيب من قبل الكافرين



2-ماذا تعنى لك(الدنيا_الامل _البحر_الصداقه_التكنولوجيا_الحياه _الليل_الظلم_ الامان_العلم)؟
الدنيا : لحظة " ودة بجد مش كلام وبس "
الامل : عايش عليه
البحر : بعشقه
الصداقة : زى الميةوالهواء
التكنولوجيا " سهله علينا حاجات كتير
الحياة : تقلبات " النهاردة مش زى بكرا "
الليل : سكون وراحة بال
الظلم : ياما جربتهواتكويت منه
الامان : اى حد يتمناه وفى ناس محرومه منه
العلم : سلاحى ف الدنيا وف الحياة



3_احساس او رد فعلك لما عرفت انه تم ترشيحك للكرسى فى المره الاولى؟
انا ما اترشحتش ولكن اديت سويت باين برنامج دارك وانا اخدت كرسى الاعتراف علشان ما نتقلش عليها بالاسئلة وكدا
ولكن احساسى عادى اكيد الاسئلة هتكون حلوة مش وحشة علشان اخاف وغير كدا انتو اعضاء كلكم ادب وزوق
4- احب (الايام_الاشخاص_الارقام_الفصول_ الشهور_البلاد_الاماكن_المساجد_الاسماء_الكتب)الى قلب محمد؟
الايام " الخميس
الاشخاص : امى
الارقام : 5 ومضاعفاته 10_ 15 _ 25 وكدا
الفصول : الشتاء
الشهور : اكتوبر ف الميلادى , ورمضان ف الهجرى
البلاد : المانيا , هولندا , اسبانيا , انجلترا , دبى
الاماكن : الملعب " احب العب كورة "
المساجد : مسجد الامام على عندينا ف المنطقة
الاسماء : يوسف و منه الله
الكتب : لا ماليش فيها دى الصراحة بس اى كتب معلومات عامة بحبها

6_لو خيرت انك تختار تعيش فى زمن غير هذا الزمن هتختار اى زمن وليه؟
بصراحة مش هختار زمن تانى غير زمنى دة لانى مش شايف ان اى زمن غيرة حاله كان يعدل
بس انا كان نفسى اعيش ف زمن الفراعنة واشوف الاسرار بتاعتهم حب فضول يعنى

7_اكتر الصفات الى بتحب انها تكون فى البشر ايه؟وليه؟
الادب واللباقة ف الكلام لان الناس دلوقتى بقيت بجحه قوى ف الكلام والصوت العالى اللى مالهوش لازمه

8_اكتر الصفات الى بتكره تشوفها فى البشر ايه؟وليه؟
قله الزوق ومابيقيش ف زوق ولا احترام للاشخاص بينهم وبين بعضيهم


اممممممممممممممممم نقدر نقول خلص الكلام مؤقتا
مؤقتا لحد امتى !!!!!!!!!!
منتظرينك
ويا رب تكون اسئلتى خفيفه على حضرتك
اكيد طبعا تشكرى
نديها فاصل ثم نواصل
دومت بكل ود
شكرا لوفر


ولك منى ارق التحايا

sea lover كتب:منور الكرسى طبعا ونستكمل ع م ربنا يسهل الامور باقى الناس ترجع مش قدامك حد غير ههه

هما راحو فين باقى الناس

هاااااا

بسم الله

1-حاجة فخور بيها!
شغلى


2-فى حياتنا كثر من الصدف..اىها افضلها وايها اسوئها عندك!
احلى صدفة ان اتعرفت عليكم ف المنتدى
اسواء صدفة انى مش بحضر محاضرات كتير علشان اشوف الناس



3-ماذا يعنى لك...بكاء طفل- انين ام- انكسار رجل-شخص بلا وطن- حديقة طبيعية-شاطئ وقت الغروب-نار مشتعلة)
بكاء الطفل : مابستحملش اسمعه
انين ام : اسواء شى ف الدنيا ان ام تتألم
انكسار رجل : موت رجل
شخص بلا وطن : مالهوش دية
حديقة طبيعية : الجمال وراحة النفس
شاطى وقت الغروب : احلى ما ف الرومانسية
نار مشتعله : اتمنى انى ما اجربهاش او اقربلها


4-البعيد عن القلب بعيد عن العين)هل تؤمن بهذه المقولة!
مش مؤمن بيها لان اللى ف القلب ف القلب مهما كان الزمن والظروف اية


5-لو حد قالك بهديك هدية تفضل يكون مين الحد وايه الهدية!!
اكيد انسان بحبة والهدية تكون قلبه

كفاية كده ع لسه جاية من التراويح مش مركزة اوى
منتظرين

sea lover كتب:اقولك اتفضل دول معاك بالمرة حبة رومانسى كده ع لو اتاخرت عليك ولا حاجة تلاقى حاجة تتسلى بيها
هاتى هاتى خلينى اتسلة شوية

من هو الاقوى فى نظرك حكم القلب, او حكم العقل ؟
حكم العقل ... علشان ساعات القلب بيكون اعمى

-اذا خيروك بين حبيبك ومستقبلك من تختارين ؟
بصراحة حبيبتى لان مع بعض هنقدر نكون مستقبلنا ..والمستقبل مش حاجة صعبة طالما انا واخدها جد وناجح " صح ولا .....؟ "

-اية أكتر حاجة حبتيها فى حياتك؟ وإية الحاجة اللى مبتحبيش حتى سيرتها ؟
كرة القدم ........ اللغة الانجليزية عندى عقدة بسبب المدرس

-هل للمادة دور رئيسى فى استمرار الحب من وجهة نظرك؟
لا طبعا لان ممكن احب شخص اقل منى ماديا

-هل الغيرة ضرورية فى الحب ؟ وما مدى تأثيرها؟
ضرورية بس ف حدود وتأثيرها مايكونش خراب البيت او الانفصال

-لما تحب شخص ممكن تتسائل بينك وبين نفسك .. انا لية بحبه؟
اكيد دة شى معروف اى حد بيعمل كدا بينه وبين نفسه

هل لمحمد تجربة حب فترة الطفولة
ف الطفولة كنت حبيب بس حب عيااااااااالى شوية هههههههههههههه


انا قصدى تتسلى مش اكتر

اه والله الواحد بيتسلى شوية