الحلقة الاولى .........!!

نسر الشرق كتب:

أهــلا و ســهـــلا بــكــم فــى أولــى حــلــقـــات بــرنــامــج
كـــرســـى الإعــتـــراف
الــنــهـــاردة مــعــانــا ضــيــف هــنــعـــرف مــنـــه تــفــاصــيــل حـــيــاتــه و أدق الــتــفــاصــيــل عـــنـــه
مــعـــانــا و مــعــكــــم
مـــديــر مــنــتــدى طـــلاب كــلـــيـــة الــتــربــيـــة بالــغــردقـــــة
حــمــــادة الــعــــلامـــــى

أولا: ممـــكـــن تــعـــرفــنـــا بــنــفـــســك أكـــتـــــر
إســمــــك بالــكـــامـــل
عــنــــوانـــك فــى الــقــصـــيـــر
تــاريــخ مــيــلادك

شكرا اخى نسر ع التقديم الجميل هذا

انا اسمى محمد مبارك محمد خليل
ساكن ف " المستعمرة _ القصير _ البحر الاحمر _ ام الدنيا
وتاريخ ميلادى 10\10\1990
ومنتظر منك المزيد اخى نسر

ونــســتــكــمــل الأســئــلة بــعد مــا تــعــرفــنــا عــلــى نــفــســـك

sea lover كتب:وبعد م تقدم البطاقة بما انك الضحية الاولى

وبما انى صاحبة واجب ومش هادخل بايدى فاضية...اتفضل





ماهى افضل ميزة فى شخصيتك ؟

احب اصاحب اى حد واتعرف علية , بالبلدى " احب اخد وادى معاهة ف الكلام حتى لو مش هشوفه تانى "

ما هو اكثر شئ لاتحبه فى شخصيتك ؟
مش بسامح اى حد خلف وعده معايا ولو كانت حاجة بسيطة زى " موعد " مثلا

ماهى حكمتك المفضلة ؟
ليست السعادة في أن تعمل دائما ماتريد بل في أن تريد ما تعمله

كلمه او جملة تكررها كتيرا ؟
صباح الجوافة

يا ترى ايه اكتر يوم كانت سعيد فيه ؟
ف 2 ثانوى كنت فرحان جدا يوم ما نجحت وجبت 80% وماكنتش مصدق

وايه اكتر يوم كانت حزين فيه ؟
يوم ما اتعملتلى قضية مصنفات ف المحل " غدر الشرطة " وجالى انظار بالجلسة وانا ف اخر الامتحانات بس لحمدلله برااااااااااءة

وايه اصعب فترة مرت عليك فحياتك ؟
ف اولى كلية كنت عاطل زى زى لبنت ف البيت مش بعمل حاجة

من هو الشخص الذى تشكو له و يضع عنده حقيبه اسراره ؟
واحدة " ـــــــ ؟ ــــــ"

من هو الشخص الذى ترغب فى الاعتذار له ؟
الصراحة وبجد مافيش لانى ماشيفش حد زعلان منى علشان اعتذره
بس انا بقول اعتذر لاهلى لانى ديما بقصر ف حقهم والدنيا بتشغلنى عنهم وعن البيت

من هو الشخص الذى ترغب ان يوجهه له كلمه او بعض الكلمات ؟ وماذا سيقول له ؟
انسان وبقوله " بحبك "

من هو الشخص الذى كانت لك معه اجمل الذكريات ؟
صديقى مصطفى " ف دفعتى " معايا من اولى ابتدائى


لو رجع بيك الزمن لورا ايه اللى هتغيره فحياتك ؟
بعض الاشخاص اللى اتعرفت عليهم ومعرفتهم سببتلى المشاكل والاحراج

هل انت راضى عن نفسك ؟ (نعم / لا ) فى حاله الاجابه ب (لا) وايه اللى انت مش راضى عنه فى نفسك ؟
لا
لانى بقصر ف حق ناس كتير وزى ماقولت اهلى اكتر ناس بقصر ف حقهم وانا مش بقصد بالاهل , لام والاب والاخوات بس
انا اقصدى قرايبى وعمامى وخالاتى انا مش بسأل ع حد ومقصر ف السؤال عنهم وزيارنتهم

رأيك بصراحة

حال الشباب
معظمهم ماشى وراء الموضه العمياء والاشد اسف ان عقولهم كمان بقيت صغيره وهايفة
انا مش ضد موضه الشباب او لبسهم انا ضد تصرفاتهم التافهة . مافيش مشكلة انك تبقى كجول بس ياريت عقلك وتصرفاتك يبقو من شيم الرجال وبس


حال البنات
حالهم يتعب بجد بجد " وحرم عليهم بقى "

عمل المرأة
مؤيد طبعا

كفاية كده دلوقت بس لى عودة اخرى بس بليز وقت البرنامج يبقى طويل شوية

sweetpain كتب:منور البرنامج يا حماده بصراحه بس ليه جوافه؟جوافه ياحماده!

دة نورك انتى طبعا وجوافة علشان بحب اكل الجوافة انا رغم صعوبات اكلها


عموما انا مش بحب اسال اسئله محرجه خاااااااااالص السؤال الاول:
براحتك عادى ولا يهمك كلنا لها طبعا واكيد كل واحد هياجى عليه الدور

ممكن تخسر "مصطفى"صديقك من الطفوله علشان الانسانه اللى بتحبها؟ لو اه اه ليه وبرضو لو لا لا ليه؟
لالالالالالالالالالالالالالالا طبعا
صحبى اولا ثم الانسانة اللى بحبها
لان طبعا مش هقدر اعيش مع انسانة كانت سبب ان افترق عن صحبى



حبيبتك تخونك او تموت؟
تموت وتتعدم كمان ولا تخونى

اكتر حاجه عملتها او قولتها وندمت عليها
الصراحة وبجد مافيش حاجة ندمت عليها علشان اى حاجة اشك انها تخلينى اندم ما بعملهاش

لو اهلك مش موافقين انك ترتبط بالبنت اللى بتحبها وانت كنت"وعدتها"بالرتباط هتعمل ايه؟
اولا انامن قبيلة ليها عادات محددة ومغلقة نادرا ما حد بيخرج عنها
علشان كدا انا عمرى ماهوعد حد وانا مش هقدر اوفى بوعدى

انما لو انا وعدتها واهلى مش موافقين اكيد طبعا مش هقدر اخسر اهلى ودى الصراحة



لو بنت وقفت قدامك فى الكليه وقالتلك:ممكن رقم تليفونك؟هتديهولها ولا؟
هعرف السبب الاول طبعا لو رفضت تقول عن السبب ..هقولها " انتى عبيطة يابت "

يلا كفايه دلوقتى كدا بس انتظرنى قريييبا

نسر الشرق كتب:

وبعـــد مــا اتعــرفــنـــا عــلــى ضـيــفــنــا و ضـيــفــكـــم
حــمـــادة الـعــلامـــى
وبــعــد مــا تــفــضــل الـجـمــهــور بـتــوجــيــه الأســئــلــة و قــام بـالــرد عـلــيــهـــا
نـسـتـكــمـــل حــوارنــا مــعـــه
أ/ حـــمــــادة

إيـــه أكــتـــر أغــنــيــــة لــمـــا بــتــســمــعــهـــا بتأثــر فـيــك؟ و بتفكرك بإيــه علشان تتاثر بيهــا؟اغنية بحس بيه لرامى صبرى

دة اية اللي بحس بية وانا بين ايدايك عملت اية
احساس جميل واخدني ليك
اغمض عيني اشوف صورتك تجيني في المنام
واقول خايف اصحي الاقيك
حياتي كلها مين الليلادي هتبتدي
و اهو هو دة اللي حلمت بية من قد اية
عيونك شوفتها نستني انا ياحبيبي مين
وياك لقيت حلم السنين اخبي لية
بعيد او بين ايديك انا ببقي حاسس باللي فيك
واسرح اوام في اللي احنا فية
يا أية من الجمال جنبك لقيت القلب قال
كل الكلام اللي مدارية
وبتفكرنى بالموقف اللى حصل لما سمعتهااو لما كنت بسمعها والاغنية كانت رومنسية شوية او خالص يعنى
إيــه الصفـــة المميزة فى صاحبك مصطفى و ايه عيوبه؟ انه طيب قوى وغلبان وعيوبة انه بصباص شوية ع البنات وبيحرجنى لما بكون ماشى معاه ههههه
إيـــه أكـتــر حــاجـــة بـتــكــرهــهـــا؟ممكن اسامح اى حاجة االا الانسان اللى يقولى جايلك ف المعاد كذا ويخلف معادة ومايجيش,, و بكره اللى بيرجع ف كلامه ف اخر لحظة
إيـــه أكـــتــر حــاجـــة كـــان نفسك تعملها و ما عملتهاش؟كان نفسى اشتغل ف فرع تبع شركة فودافون اسمة mti بس بسبب انى بدرس ما نفعش رغم ان كان ف معارف هناك كان ممكن يشغلونى عادى معاهم
أول شخص بتلجأله لحل مشاكلك مــيـــن؟اخويا حسنى لانه عاقل وبيعرف يتصرف بحكمة وع فكرة اخويا اسمه بالكامل " حسنى مبارك محمد " وبدون تعليق هههههههه
إيـــه رأيك فى الحـــب؟
ما جربتهوش بس اكيد فيه الحلو وفية الوحش
سأل الحب الصداقه عن سبب وجودها فقالت خلقت لأصنع الابتسامه بينما تترك انت الدموع
لو فرض عليك أنك لازم تخون أحد الشخصين فمن تختار
أهلك أو صديق عمرك؟لو فرض فرض اكيد هاجى ع صديقى لان الاهل مابيتعوضوش
مين اللى كان نفسك تقوله بحبك و خجلك منعك؟اكيد انثى عمرى ماهقول لذكر بحبك ههههههه" واحدة " ــــ؟ــــ" "
تعمل إيه لو كسبت مليون جنيه؟
اكيد طبعا هعمل حاجات كتير اول شى هساعد اهلى ونعيش مكانه افضل من الاول ومليون مش كتير لان دلوفتى لو حبيت تبنى عمارة وتشطبها بتكلف عليك اكتر من مليون فيعنى رقم زى دة يساعد الواحد انه يكون افضل من الاول بس
بصراحة و وضوح لماذا قمت بإنشاء هذا المنتدى؟
كم شخص تعرفه شخصيا فى هذا المنتدى؟
شخصيا شخصيا لا , بس انا شوفت عضو واحدمعانا ف المنتدى ف الكلية بس هو ممكن مايكونش شافنى بس بما انى بحط صورتى الشخصيه اكيد عرفنى وبس كدا
قلنا على مقلب عملته فى واحد صاحبك او اى حد. و زعل منك و لا لاء؟ واذا كان زعل صالحته ازاى؟
المقلب كان ف المدينة وطبعا عبينا كيس مية كبير وكان هو نايم ف البلكونة ورميناه علية فطبعا قام زى المجنون يجرى ورانا . وهو مازعلش لانة جاب جردل مية ورماه علينا واحنا صاحين وقاعدين مش نايمين
ونسيب ضيفنا يجاوب على الاسئلة دية
وندى فرصة للجمهور يسأل ضيفنا
ولـنــا عــــودة

sweetpain كتب:ياجماعه حماده هرب ولا ايه؟
لا حمادة مايعرفش يهرب ياا جدعان ههههههههه
اين انت يا ادمين لسه فى اسئله كتير هتجاوب عليها
موجود اهووووو
.هل تبحث عن نصفك الاخر ولا وجدته؟
انا حاليا ف الوضع الصامت مش ببحث " لسة بدرى " قوى كمان
.هل تحب شخص فى المنتدى .؟
اى نوع حب بالظبط , اصل هما كتير ياريت تحددى
.الصفه التى تطلق عليك دايما.؟
" مصيبة " اصحابى بيقولولى انتا مصيبة يخرب بيتك ههه
.انت مغرور وشايف نفسك؟
احيانا . بس مع الانسان اللى شايف نفسه لازم احسسه انى احسن منه بس
.اكبر كدبه كدبتها؟
قولت لاخويا انا لازم اسافر ضرورى الغردقة وهرجع ف نفس اليوم روحت قعدت اسبوع هناك
.انت حنون؟
كتير بس احيانا بكون قاسى بغشامة حبتين
.ايه اللى ناقصك فى حياتك؟
" موتوسيكل " نفسى ف موتوسيكل اكبر من اللى معايا , اصله بيعطل كتير منى هههه
.انت شايف انك قد المسؤليه؟
طبعا طبعا والحمدلله ربنا يعلم
.انت غيور ومعقد؟
غيور اه بس مش معقد
.تقبل النقد اللاذع بس الصريح؟
بصدر رحب وبكل روح رياضية
.مين اكتر واحد مزهقك فى المنتدى؟
نسر علشان بيتعب يدى لما برد ع مواضيعه اصلها هادفة وحلوة وتخلى الواحد يتكلم ويرد غصب عنه
يلا يامستر ادمين جاوب بسرعه وبصراحه طبعا

الصراحة راحة ياعينى وانتا ما ـــــــــــــــــــــ

sea lover كتب:اجب على الاسئلة الاتية (اجبارى)
استعن بالله ثم اجب " محمد جاد " هههههههههه
ماهو لونك المفضل؟
الازرق
ايه هو النت بالنسبالك؟
الراحة , بيخلينى اتصل بالناس واتكلم معاهم عن طريق الشات معظم اصحابى بيكلمونى من الشات من طريق الفون "nimbuzz " ودة شات جميل
ايه هو حلمك اللى حققته؟
يكون لى محل خاص بيا
وحلمك اللى لسة بتحلم بيه؟
اخلص جيش او ما ادخلهوش , هو مش عيب " بس هيعطلنى عن حاجات كتير
ما هى هويتك المفضلة؟
مش فاهم والنعمة
لما بتواجهك مشكلة ايه اول حاجة بتعملها؟
افكر كتير لدرجة ان بيبان عليا ان ف مشكلة حصلتلى او معاه مشكلة او حاجة شغلانى علشان كدا بحكى مع اقرب واحد جنبى او اوصله بسرعه
ممكن توصف حياتك بجملة واحدة!!
الهادية البسيطة
هافكر شوية وابقى ارجعلك تانى

sweetpain كتب:هههههههههههه
انت ما..... يا ادمين؟
انا حاليا نفسى اسال سؤال واحد بس
"انا مجربتهوش"انت قولت كدا على الحب
يبقى كنت عايز تقول "بحبك"لمين وانت برضو قولت انك كنت عايز تقول الكلمه دى لواحده دا كلامك مش كلامى يلا جاوب بسرعه
دا سؤال مؤقت بس راجعالك باسئله كتيييييير


لا انا كنت اقصدبكلمة احبك " احب اشوفك احب ابصلك احب اتكلم معاك وكدا "
بس ماجربتش الحب الى هو الحب الشديدة العشق والغرام والهيام والكلام اللى من دة
زى السهر واسمع اغانى حب وما اقدرش اعيش من غيرها " دة كلة ما جربتهوش "

وان كنت بحب فبحب ببساطة مش بمبلغة ف الحب
هو كلامى غريب شويىة بس ياريت تفهمونى

sweetpain كتب:ولا غريب ولا حاجه اكيد لازم نفهمك وعموما انا رجعت ومعايا اسئله كتيييييييييييير
.شخص لا ترفض له طلب .
امى

.تجربه تتمنى تكرارها.
التربية العسكرية ف قنا كانت جميلة قوى فى الشتاء

.اكتر حاجه بتخاف منها
الفشل عدوى الاكبر

.اكتر موقف ممكن يسببلك احراج
ان اتنرفز على حد , لانى لما بتنرفز بتكلم كلام مش كويس ومش بحس باللى حولى فطبعا هيكون احراج ليا لو حد خد باله من كدا

.لو فتحت الباب مره ولقيت رساله تتمنى تكون من مين
الصراحة اتمناها من البنك ويكون فيها " رصيدك الحالى 30000 جنية "
مبلغ بسيط صح ههههههه

.مين العضو اللى شايف نفسه فى المنتدى
لا بجد انتو اعضاء محترمين ولكم كل التقدير والاحترام ومافيش حد شايف نفسة ودة ظاهر من خلال تعاملكم داخل المنتدى

.من هو تؤام روحك
موبايلى " مش بفارقه لا فنوم ولا وانا وصاحى "

."اللى راح راح وما تفيد كلمة ياريت"لو هتقولها لنفسك تقصد ايه
هقصد بيها كل حاجه ضاعت منى او حد خدها منى ومارجعتش تانى

.جريمه تتمنى ارتكابها
اقتل ظابط مباحث عندينا ف القسم هههه

.امتى اخر مره بكيت فيها
من فترة كبيرة , حوالى سنتين ومش فاكر السبب الصراحة

.بتكره حد فى حياتك
بكرة الانسان اللى عنده برود اعصاب وواقف محلك سر لابيتقدم ولا بيتاخر

.هل تؤمن بالصداقه بين الرجل والمرأه؟وهل يمكن ان تتحول الصداقه الى حب؟

طبيعى ان الصداقة تتحول لحب , لان الصداقة معناها معاملة واحترام فاكيد مع الوقت هتبان صفات كل واحد من الطرفين ولو توافقت الصفات دى مع بعض الحب هينشاء لوحده " طبيعى يعنى "

بالنسبة للصداقة بين الولد والبنت " انا مابحبش كلمه صداقة ," احب كلمة " زماله " افضل بكتير , انا اقول دى زميلتى افضل ما اقول دى صديقتى او صحبتى ,
انا اعترف بالزمالة ولا اعترف بالصداقة
كفايه دلوقتى وطبعا راجعه تانى بس يلا جاوب بسرعه وبصراحه

sea lover كتب:الوووو اين الضيف المنتظر!!!!
نعم انا هناااااااااااا

سؤالين تلاتة كده ع السريع بالمرة...
لية تلاتة بس ولية ع السريع براحتك زى ما تحبى

لو معاك (باقة ورد-شوكة-شهادة تقدير-باقة حب-سكين-)تهدى كل حاجة من دول لمين!!!
باقة ورد : لوالدى
شوكة : ف كل عين وقفت قصادى
شهادة تقدير: لكل اعضاء المنتدى الكرام والحلوين
باقة حب : لحبيبى " ـــــــ؟ــــــ "
سكين : للدكتور اللى شيلنى مادة




مين اخر واحد تفكر تتطلب منه خدمة!
شخص معين لو اخر واحد ف الدنيا ممكن يقضيلى خدمه عمرى ما هطلب منه يخدمنى

ما هو الضمير من وجه نظرك!
هو اللى بيحاسبنى لما باجى انام

هل يعرف محمد طريق الخوف!!
اكيد طبعا انا انسان واكيد بخاف

هل ممكن تلغى شئ كنت ناوى تعمله علشان خايف!!
بكل صراحة نعم اى حاجة بخاف منها مش بعملها

تفتكر ليه ف كل وقت بيجى علينا نقول زمان كان احلى(يعنى زمان ف افلام الابيض واسود مثلا كانو بيقولوا زمان كان احلى واحنا دلوقت برضو بنقول زمان كان احلى)
لان وبكل بساطة بكرا بيكون اوحش من اللى قبله , والاجيال اللى بعد اللى بعدينا هيقولو على زمنا انه احلى واحلى ف نفس الوقت اللى احنا شايفين زمنا دة اوحش زمن




لو ف ايديك تختار بين الحب والمال بصراحة تختار ايه!!
اختار الحب لان اكيد جربت المال بس ماجربتش الحب : صح ولا انا غلطان

يالا جاوب دول عقبال م الف لفة ف المنتدى وارجعلك

انا جاوبت اهو يلا مستنى

sea lover كتب:وطبعا بعد م سمعنا اجابات ضيفنا العزيز ندخل بقى ع قسم الاكل

هل انت شاب اكول!
لا انا ماليش ف الاكل الكتير على الاقل كان بان عليا لو باكل كتير

اى انواع الاكل تفضل!
البطاطس المقلية اصل انا رياضى زى لعيبة الكورة كدا

وماذا عن الحلويات والعصائر!
بحب العصاير والحلويات يعنى مش كلها

والشيكولاته اخبارها ايه من مدمنيها ولا مالكش فيها!!
الشيكولاتة بالنسبالى عادى زيها زى اى حلويات ومابحبش اكتر منها لانها بتوجع المعدة

وبعدين ندخل بقى ع الهوايات

هوايتك المفضلة!
كرة القدم

وعن كرة القدم ماذا تقول!
بتحرق دمى

وعن باقى الرياضات!!
بتفرج عليها واحب اتابع اخر اخبارها

طبعا السباحة دى حالة خاصة لازم سؤال لوحدها. بتحبها ولا بتفضلها ولا بتكتفى انك تتفرج عليها!!
هو فى حد مابيحبش ولا مابيفضلش ولا مابيتفرج ع السباحة
هو اصلا ف احلى من المية


يا رب اكون باسال اسئلة دمها خفيف ع قلبك