sweetpain ضيفة برنامج دارك ... " عندما تتحدث البراءة "

طبعا كنت بحب الاجازات فى الابتدائى كنت بحبها اوى وبعدين كنت كل مابكبر بيقل اشتياقى ليها كنت بفضل المدرسه عشان اشوف اصحابى ونحكى وكدا
كان نفسى يبقى عندى بيانو كبييييييييير بس للاسف كان عندى واحد بس صغييييييييييير هههههههه
كنت بموت واعمل مقالب فى محمد على زميلى فى الابتدائى
اضربت مره فى الاعدادى من ميس هناء بتاعت العربى من غير سبب صدقونى بس الفصل كله يلا ربنايسامحها بقى
انا كنت شاطره فى كل المواد بجد مش بهزر بس مكنتش بحب الدراسات عشان المدرس الرخم اللى كان بيدرسهالنا
لما بعدى جنب مدرستى ببقى نفسى انزل من العربيه واقضى فيهايوم استرجع بيه ذكريات البراءه اما الحضانه ببقى نفسى انزل اكل طبق مكرونه من بتاعت زمان ياااه كان ليها طعم مش موجود دلوقتى فى مكرونه اكلتها او ممكن اكلها

مكنتش بليس نضاره نظر كنت بليس نضارة شمس دايما عارفينها صغنطوطه كدا بتاعت الاطفال دى
المهم كنت بقعد دايما فى اول ديسك بس فى الثانوى طبعا كان لازم اقعد فى اااااخر ديسك
مش كنت بغش خالص اصلا مش كنت بحب الغش او حتى بعرف بس فى اولى ثانوى مره كنت بغشش واحده صاحبتى فى امتحان الهندسه قام الاستاذ مجدى قفشنا بس الحمد لله عشان هو صاحب بابا اكتفى بس انه قالى غيرى مكانك"ايه!ربنا ستر"
مكنتش بزوغ خالص على فكره انا كنت شطوره وملتزمه اوى بس فى الثانوى برضو كنت دايما بتعب واصحاب بابا طبعا يوصلونى البيت ف كان تقريبا كدا بقضى نص يوم بس فى المدرسه بس كنت دايما بتأخر على الطابور الصبح بالرغم ان بيتنا جنب المدرسه بس تقول ايه بقا كسلانه
انا الحمدلله كنت بصوم من رابعه ابتدائى رمضان ولغاية المغرب اوك يا ادمين

يااااااه والله قلبتى عليا الذكريات بتاعة زمان خصوصا ايام ابتدائى دى واستاذ احمد ومواقفة ياااااااه يا ريتها ترجع الايام دى تانى
والله الله ع ايام ثانوى

ع فكرة انا اشهد لضيفتنا انها حقيقى كانت شطورة اوى ع كده هافكرها بيوم مسابقة اوائل الطلبة فاكرة!!
احلى حاجة قال روحنا المدرسة من غير شنطة الكتب قال يعنى دكاتره المهم ...ومشينا ع المسابقة الساع9الصبح بس كان يوم لذيذ وف الاخر خسرنا ومدرسة الولاد هى اللى كسبت المسابقة يومهاوتانى يوم اتفضحنا ف المدرسة طبعا هههههه

انا قولت افكرك باليوم الذيذ دا اللى مش يتنسى ابدا
يالا جهزى نفسك لأسئلتى اوك

حاجة غريبة إن الاولاد يكسبوكم فى اوائل الطلبة
ههههههههههههههه
هو لسه فى ولاد شاطرة كده
لسه الدنيا بخير و الله