ازمة المدينة الجامعية

السلام عليكم ورحمة الله

انا هدخل ف الموضع ع طول ع تعبت بجد و زهقت جدا

دلوقت كل الدنيا عرفت ان تقديم المدن بالنت وقدمنا بعد عذاب وكل الجامعات المحترمة بيقدمو ورق تانى غير بتاع النت دا وفيه الصور الشخصية وطوابع البريد والكلام دا زى بتاع كل سنة

دلوقت احنا عندنا مشاكل كتير
ناس تقولك احنا مش هنقدم ورق ولا كلام من دا
وناس يقولك انت الصفحة اللى بتملها من النت دى بتطبعها و تروح تقدم بيها
وناس تقولك لا انت مش هتقدم ورق خالص وهياخدو منك ثمن الملف خلال 5 شهور وانت بتدفع المدينة كل شهر 10جنيه(طيب ازاى واحنا اصلا مش قدمنا ملفات يعنى هياخدو تمن ايه مش فاهمة)
المهم ان لحد دلوقت محدش عارف هنعمل ايه ف القصة الخنيقة دى
بجد انا تعبت كل شوية حد يتصل يقولى اختراع جدبد

فكرت اسافر واشوف الدنيا عاملة ازاى هناك بس كمان رمضان مخلينى كسلانة والجو حر جدا ودرجة الحرارة ف الغردقة40 طيب نعمل ايه لو بالفعل سافرنا وطلع حكاية انت دى بس

حد ممكن يفيدنا ف الحوار دا ولا ايه!

للاسف المشكلة دى مش عندك انتى بس دى عند ناس كتير

وغير كدا النتيجة ظهرت قريب فالناس دلوقتى اللى ابتدت تفكر تقدم

وانا باذن الله هسالك ع الموضوع دة

وانشاء الله خير

ربنا يسهل
بجد حوار خانق ع كل الناس

شكرا لمجهودك ادمن

مشكلة بجد أنا وأصحابي لسه مقدمناش
وبيقولنا رقم البطاقة غير موافق لرقم تاريخ الميلاد
بالرغم ان الارقام بندخلها صح
وزي ما بتقولي يا سي لوفر مكسلين نسافر
حد يقولي لو قدم واتقبل يقولي عمل ايه

انا قدمت ودلوقتى بيقولى لم يتم مراجعة طلبكم بعد ومردوش على اى حد

وعموما انا عرفت ان مفيش ورق ولا حاجة هو النت دا وخلاص ومش هنسافر خلاص

بس انتى حاولى900 مليون مرة كده وهى تيجى معاكى

يا لفر يا حبيبة قلبى ما انتى عارفه كليتنا دا احنا من ساعة ما قدمنا فيها واحنا كل يوم فى مشكله شكل
روقى انتى بس وبلاش تدايقى نفسك وربنا ييسرلك ولكل الناس ال لسا متخرجتش
بس وربنا بالرغم من كل دا انا نفسى ارجع لايام الكليه تانى
يلا ربنا بوفقكم

والله هي طريقة التقديم طلعت أسهل مما أي حد يتصور
أنا فكرت شوية وعرفت أققدم صحيح كان كل شوية
يقولي حاجة مختلفة بس والله سهلة لما قدمت لأصحابي
كل الخطوات عملتها صح من أول مرة

ع ما اظن ان النت مش الطريقة الو حيدة للتقديم ومش معقول انتو بس اللى عنديكم مشكلة اكيد ناس كتير
باذن الله تقدمو ويقبلوكم كدا كدا الكلية فاضية ومافيش سنة اولى

ولا حتى ف طلاب من الاساس

والحمد لله انى مش بسكن مدينة وربنا رحمنى منها
انا اروح واجى احسن ما احرق دمى ف التقديم

علي فكرة انا سمعت ان في طلاب في سنة اولي السنة دي جايين
وللاسف تقريبا كده والله أعلم
النت هو الطريقة الوحيدة للتقديم
لأن في ناس راحت ورجعوهم تاني
وعالعموم في رأيي انكم لو سكنتوا مدينة السنة دي هيكون أفضل
بما ان دي أخر سنة ليكوا في الكلية

النت هو الطريقة فعلا

بس كان عامل مشاكل لناس كتير بس لتيسرت الحمدلله وربنا يسهل

علي فكرة انا سمعت ان في طلاب في سنة اولي السنة دي جايين هو فى اولى بجد
وللاسف تقريبا كده والله أعلم
النت هو الطريقة الوحيدة للتقديم
لأن في ناس راحت ورجعوهم تاني مساكين اول سنة واول تعامل مع الكلية ورجعوهم " دول لسه هيشوفو ياعبنى
وعالعموم في رأيي انكم لو سكنتوا مدينة السنة دي هيكون أفضل
بما ان دي أخر سنة ليكوا في الكلية ,عن نفسى لا اخر سنة ولا اول سنة انا اروح وارجع احسن ما يتحرق دمى ف المدينة اللى مش هيكون فيها اصلا ناس " طبعا قصدى ع الولاد " انقردو

يلا ربنا يو فقكوا ان شاء الله
واللي فيه الخير ربنا هيقدمه

انشاء الله خير ياباتى وبالتوفيق للجميع