موضوعى بيتكلم عن تفكير البنت فى حياتها من وهى صغيرة لحد ما تكبر وده مجرد راىء ممكن يكون صح او غلط
نبدا الموضوع 1 2 3
اولا معظم الاولاد بيبقى عندهم هدف محدد انه يكون نفسه ويبنى مستقبله ويتجوز وبعد الجواز يامن مستقبل اسرته
اما بعض البنات لما تيجى تسالها عن هدفها فى الحياة تقولك مش عارفة بجد يا ترى ده ليه
1 - البنت وهى بنوتة صغيرة = بعض البنات فى المرحلة دى بتبقى عايزة تعيش طفولة مسترجلة تركب عجل وتنزل تلعب فى الشارع وتلعب كرة يد وتلاقى كف ايديها كبير من اللعب وتلاقيها بيبقى نفسها تصاحب ولاد
2 - البنت عند سن 16 سنة = تكتشف البنت انها عايزة مزيد من الحرية وطبعا فى الفترة دى ام البنت ديما بتقول لبنتها عيب تنزلى الشارع وعيب تخرجى لوقت متاخر وعيب تركبى عجل وبلاش بنطلون وموتوسكيل ايه اللى عايزة تركبيه وتروحى بيه الكلية انتى عايزة تعنسى ( ده كلام الام ) وترد البنت يعنى انا يا ماما لازم اكون ولد عشان اعمل اللى انا عايزاه
3 -البنت بين 18 و22 سنة = البنت تعقل شوية وتركز وتقول لنفسها ما انا ممكن ابقى حرة وفى نفس الوقت انسة حلوة وشيك وتبدا تطور من اسلوبها فى الحياة ونمط تفكيرها وتبدا رحلة بحثها عن الرجل والبيت والعيال وتفكر فى حلم زق عربية النونو
4 - مرحلة جواز البنت = تختار البنت ولد مناسب ليها وتختلف البنات اللى بيختار كده من غير معايير محددة وفي اللى بيختار بالحب وااللى بيختار بالعقل واللى بيختار للغنى وحاجات كتير وعلم النفس لم يثبت صحة مقولة ان الحب بيجى قبل الجواز او بعد الجواز علم النفس لم يثبت ذلك انا متاكد من كلامى وروح اسال دكتور علم نفس
5 - بعد جواز البنت = تتجوز البنت وتبقى ام وتلاقيها بتقول بينها وبين نفسها نفسلا\ى ارجع بيت اهلى اصلى تعبت من شغل البيت وصعب انى اراعى حد تانى وتقعد تزن على جوزها وتقوله عايزة اشتغل ويوافق جوزها وتشتغل وبعد الشغل تلاقى نفسها تعبانة من الشغل وتقول عايزة اسيب الشغل ( شيزوفرينيا ) وتقول مش قادرة شغل وطبيخ وجوز وعيال مش انتى اللى قولتى عايزة تشتغلى عشان زهقانة من قعدة البيت نعملك ايه يا حجة
طبعا المشكلة دى عند بعض البنات مش كلهم طبعا ومفيش تعميم طبعا
هى المشكلة ايه فى ان البنت عايزة حرية لمجرد انها حاسة بضغط فى البيت عندها او حاسة بظلم ان الولد فى مجتمعنا واخد حرية اكبر من البنت
اما ان المشكلة فى ان البنت طموحة وعايزة تحقق اهداف معينة ولو عايزة كده ليه مش بنحس بكده
عايزين نعرف راىء بنات جيلنا وراىء شباب جيلنا فى سبب المشكلة دى
على فكرة انا عارف ان فى بنات طموحة وعندها اهداف بس هل الهدف الاول للبنت هو جوازها وبيتها وبعدين تحقق طموحها ولا طموحها رقم واحد فى حياتها وجوازها رقم 2
مستنى ارائكم ويا رب يكون الموضوع عجبكم
