منتدى طلاب كلية التربية بالغردقة

اهلا وسهلا بك زائرنا العزيز ومرحبا بك ف منتدى طلاب كلية التربية بالغردقة . الرجاء التسجيل والاشتراك معنا ف اسرة المنتدى . حتى تتمكن من الرد ع المواضيع والتصويت واشراك رايك ومجهودك معنا .... شكر .. المدير " حمادة " .....,,
منتدى طلاب كلية التربية بالغردقة

منتدى خاص بطلاب كليةالتربية بالغردقة


    ميـكــروبـاص ... شــوف الفرق بين الولد و البنت حتى فى المواصلات

    شاطر
    avatar
    نسر الشرق

    عدد المساهمات : 595
    تاريخ التسجيل : 16/08/2010
    العمر : 35
    الموقع : منتديات القصير البحر الأحمر

    ميـكــروبـاص ... شــوف الفرق بين الولد و البنت حتى فى المواصلات

    مُساهمة من طرف نسر الشرق في الثلاثاء أغسطس 17, 2010 3:09 pm

    طبعا وانتا بتوقف الميكروباص وياسلام لو مافيش مكان

    لو انت بنت يادوب تبصي بس بصة استعطاف لأي بأف قاعد هايقوم ينط يعد في ضهر السواق عشان تعدي

    انما بقى لو انتا ولد شوفلك اي حتة اترزع فيها او انشالله تتشعلق مانتا اساسا مالكش أهل يخافو عليك



    ثانيا :-

    طبعا وانتا طالع كتير مننا ممكن يخبط راسه في الباب

    طبعا لو كنتي بنت هاتلاقي اللي بيقولك خير حصلك حاجة ؟؟؟ من كل الركاب وممكن طبعا
    تلاقي اللي ممكن يقوم يضرب السواق

    انما بقا لو كنت ولد... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا




    ثالثا :-

    وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك مانتا بقا رامبو


    طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد

    وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل



    .... ولو قفلت الباب بالجامد بقا

    لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه

    انما لو كنت ولد : ايه التور دا خلاص ياعم عرفنا انك فاندام بس بالراحه ع الباب
    رابعا :-

    طبعا ممكن يجيلك تليفون وانتا قاعد في الميكروباص

    لو انتي بنت وانتي بتقولي الو ياسلااااام الله يا جماعه على صوتها شوفو الرقة يابخته المحظوظ اللي بيكلمك ولو معاها موبايل معفن ياسلام ع التواضع

    انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق بموبايل معفن امال لو كان موبايل عدل شوية كنت عملت ايه




    خامسا:

    لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل


    طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا)

    انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه




    سادسا:

    طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره

    طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها بشارعين تلاته وطبعا هايقولك ماسمعتكش مانتا اللي صوتك واطي زي البنات


    انما بقا البنت يادوب كل اللي هاتعمله انها توشوش نفسها على جنب وكأنها بتكلم نفسها
    هاتلاقي بقيت الاربعتاشر نفر اللي قاعدين في الميكروباص بصوت واحد بيقولو للسواق على جنب ..... انتا اطرش ؟؟؟


    دايما ابو شنب متاكل حقه


    ههههههههههههههه
    انا عاوز كل الشباب يدخل و يعلق و يقول اللي هو شيفه صح واذا كان الموضع داه بيحصل معاه ولا لاء انا عن نفسي ساعات بيحصل معايا
    و كمان عاوزين نعمل جمعيه مساواه بحقوق المراة



    ______منتدى طلاب كلية التربية ________





    avatar
    Cinderella Batty

    عدد المساهمات : 345
    تاريخ التسجيل : 04/08/2010

    رد: ميـكــروبـاص ... شــوف الفرق بين الولد و البنت حتى فى المواصلات

    مُساهمة من طرف Cinderella Batty في الأربعاء أغسطس 18, 2010 5:00 am

    انا بقي يا سيدي هعلق علي كل حاجة لوحدها
    أولا الاغلبية دلوقتي عايشين حالة من الاستهبال يعمل نفسه مش شايف
    مرة يعلب في شعره مرة في ودنه ولو قام يقعد يأنب في نفسه لحد ما أنزل
    وأكيد أخدتلي دعوتين حلوين منه في سره ولو كان راضي من جواه
    يبقي أهو أخدله حسنة


    ُُ ثانيا ياسلاااااام لو راسي اتخبطت في الباب تبقي كسفة كسفة بالألوان زي
    مابيقولوا

    ثالثا ودي بتحصل معايا كتير الباب مش راضي يتفتح و أحاول وأحاول مش
    راضي يتفتح يفتحلي حد والسواق طبعا مش بتاكلوا طبعا
    تيجي تقفل الباب بالراحة عالباب يا أبلة
    إذا كان أنا فتحته بالعافية يبقي هقفله قفله لدرجة أنه يتكسر

    رابعا لو جاني تليفون أبقي مكسوفة أرد ولما أرد الاقي كل اللي جنبي
    ما شاء الله كلهم أذان صاغية

    خامسا بقي في سواقين ولاد ناس وحترمين أول ما أي حد يجيله تليفون يوطي الصوت
    وفي سواقين ولاد ناس برضوا بس أيه مشغلين خمسة تناحة ولا كأني في بني آدمية
    بتتكلم في التليفون

    سادسا أينعما في أغلب الاحيان الناس بيقولوا للسواق علي جنب يا أسطي
    علشان مسمعنيش بس ده بيكون بسبب التلوث الضوضائي اللي عامله بأغانيه
    وعلي طول بيقف بعد المكان اللي نازلة فيه بشارعين تلاتة

    وبكده يابرنس أقولك ان الروس متساوية وكدة يبقي
    مفيش داعي لجمعيات المساواة


    ______منتدى طلاب كلية التربية ________


    avatar
    نسر الشرق

    عدد المساهمات : 595
    تاريخ التسجيل : 16/08/2010
    العمر : 35
    الموقع : منتديات القصير البحر الأحمر

    رد: ميـكــروبـاص ... شــوف الفرق بين الولد و البنت حتى فى المواصلات

    مُساهمة من طرف نسر الشرق في الأربعاء أغسطس 18, 2010 2:02 pm

    ههههههههههههه
    ده بيحصل واحد فى المليون
    ولكن معانا إحنا الشباب
    مستنى اعرف رأى باقى الاعضاء


    ______منتدى طلاب كلية التربية ________





    avatar
    Admin
    الادارة

    عدد المساهمات : 570
    تاريخ التسجيل : 02/08/2010
    العمر : 28
    الموقع : القصير _البحر لاحمر

    رد: ميـكــروبـاص ... شــوف الفرق بين الولد و البنت حتى فى المواصلات

    مُساهمة من طرف Admin في الأربعاء أغسطس 18, 2010 5:12 pm

    دة بيحصل ديما معايا لدرجة انى كرهت السرفيس ومعلومة احب اضيفها
    انا مش بركب سيرفيس غير ف الغردقة علشان مشوارها بعيد وبلد كبيرة
    انما ف القصير ياما كعب داير ع رجلى وبكون مبسوط واما معايا المكنة بتعتى وكدا ببقى بريح نفسى
    رغم ان معظم سواقين السرفيس ف القصير بيكونو معرفة وكويسين ومش بتكلمو
    انما قلة الزوق بتكون ف معظم سواقين الغردقة لان اصلا اهلا ناس مش عايز اظلم حد فيهم وهقول معظم اهل الغردقة بيكونو ناس ف منتهى قلة الزوق وممكن يشتمو بعض ف العربية حتى ولو كانت ست

    ودة جزء بسيط من راى

    وشكرا نسر الشرق


    ______منتدى طلاب كلية التربية ________





    avatar
    نسر الشرق

    عدد المساهمات : 595
    تاريخ التسجيل : 16/08/2010
    العمر : 35
    الموقع : منتديات القصير البحر الأحمر

    رد: ميـكــروبـاص ... شــوف الفرق بين الولد و البنت حتى فى المواصلات

    مُساهمة من طرف نسر الشرق في الأربعاء أغسطس 18, 2010 5:28 pm

    شكرا لمرورك يا حمادة
    وإبداء رأيك


    ______منتدى طلاب كلية التربية ________





    avatar
    Cinderella Batty

    عدد المساهمات : 345
    تاريخ التسجيل : 04/08/2010

    رد: ميـكــروبـاص ... شــوف الفرق بين الولد و البنت حتى فى المواصلات

    مُساهمة من طرف Cinderella Batty في الخميس أغسطس 19, 2010 7:25 am

    هتقولي علي اهل الغردقة وسواقين الغردقة
    يا سلام نبقي متأخرين عالمحاضرة والسواقين يقعدوا يتخانقوا
    انا اللي عليا الدور والتاني لأ انا اللي عليا
    وأحنا طبعا نروح في شربة ميه


    ______منتدى طلاب كلية التربية ________



      الوقت/التاريخ الآن هو الثلاثاء أكتوبر 23, 2018 9:59 pm