منتدى طلاب كلية التربية بالغردقة

اهلا وسهلا بك زائرنا العزيز ومرحبا بك ف منتدى طلاب كلية التربية بالغردقة . الرجاء التسجيل والاشتراك معنا ف اسرة المنتدى . حتى تتمكن من الرد ع المواضيع والتصويت واشراك رايك ومجهودك معنا .... شكر .. المدير " حمادة " .....,,
منتدى طلاب كلية التربية بالغردقة

منتدى خاص بطلاب كليةالتربية بالغردقة


    مــا هــى الـســعـــادة؟؟؟؟؟؟

    شاطر
    avatar
    نسر الشرق

    عدد المساهمات : 595
    تاريخ التسجيل : 16/08/2010
    العمر : 35
    الموقع : منتديات القصير البحر الأحمر

    مــا هــى الـســعـــادة؟؟؟؟؟؟

    مُساهمة من طرف نسر الشرق في السبت أغسطس 28, 2010 6:00 pm


    ما هي السعادة ؟؟
    سألت نفسي ايه هو معنى السعادة؟
    وايه هو طعم السعادة؟
    طب انا وصلتلها؟
    طب ادور عليها فين؟
    هو الكيلو بكام؟؟

    عارفين
    نط ف دماغي شوية صور لناس على وشوشهم باين اثار سعادة

    قمة السعادة لطفل حته شيكولاتة
    قمة السعادة لست عجوزة أن حد يقولها بعد مايدوق اكلها(الله تسلم إيدك أكلك مظبوط وآخر حلاوة)
    قمة السعادة لبنت عند ست سنين فستان واسع تدور وتدور ويدور معها قدام اصحابها
    قمة السعادة لولد عنده عشر سنين ان فريقه يجيب جون ف ماتش مهم
    قمة السعادة لأم جميلة أنيخبط على بابها عريس وسيم وصالح يخطب بنتها
    قمة السعادة لكل فتاة على وجه الأرض....أنها تكون (عروسة حلوة بفستان أبيض)
    قمة السعادة لعروس جديدة أنها تعرف أنها حامل في شهرها الأول
    قمة السعادة لشاب طموح هو أنه يحقق إنجاز في شغله
    قمة السعادة لكل محب أنه يتجوز حبيبه

    وف اماكن تانيه بعيييييييييييد
    قمة السعادة لشاب فقير أنه يلاقي ركن دافيء في جنينة يستخبي وينام ليلته
    قمة السعادة لفراش أو عامل بقشيش محترم من واحد طيب يحن عليه(علشان يجيب كيلو وربع لحمة لعياله)
    قمة السعادة لطفل من أطفال الشوارع أن يقوم صاحب محل الحلويات بالعطف عليه ويديله قطعة الجاتوه اللي قضى ساعات طويلة بيبصلها من ورا الازاز
    قمة السعادة لفتاة بسيطة أن(يكرمها ربنا وتتعدل وتلاقي ضل راجل بدل البهدلة من شغل للتاني لأنها فقيرة ومالهاش أهل)
    قمة السعادة لمريض إن الدكتور يفتح ورقة الأشعة أو التحليل ويبتسم ويقول له...خلاص خفيت...ما عندكش المرض اللعين
    قمة السعادة لفلاح لطيف جدا وهو بس اللي فهم الحياة على حقيقتها...
    هو أنه يمتلك حمار مرسيدس آخر موديل...
    وحتى لو حمار...
    وحتى لو مش مارسيدس...
    هو فرحان بيه
    وبيضحك

    تعرف تعمل كده؟
    افهمها صح تكون سعيد
    وسيبك من الدنيا
    افرح بنصيبك واللي معاك واللي عندك وقول يا رب راضيني
    السعادة أكيد موجودة...بس إحنا اللي مش عارفين نستقبلها صح


    صح؟؟؟؟



    ______منتدى طلاب كلية التربية ________





    avatar
    Admin
    الادارة

    عدد المساهمات : 570
    تاريخ التسجيل : 02/08/2010
    العمر : 28
    الموقع : القصير _البحر لاحمر

    رد: مــا هــى الـســعـــادة؟؟؟؟؟؟

    مُساهمة من طرف Admin في الأحد أغسطس 29, 2010 10:57 am

    لا فعلا صح وصح الصح كمان

    لو السعادة بفلوس كانت الناس كلها بقيت سعيدة !!

    وشكر اخى نسر الشرق ع الموضوع لجميل



    ______منتدى طلاب كلية التربية ________





    avatar
    نسر الشرق

    عدد المساهمات : 595
    تاريخ التسجيل : 16/08/2010
    العمر : 35
    الموقع : منتديات القصير البحر الأحمر

    رد: مــا هــى الـســعـــادة؟؟؟؟؟؟

    مُساهمة من طرف نسر الشرق في الأحد أغسطس 29, 2010 4:15 pm

    شكرا مرورك يا حمادة
    وردك الرائع


    ______منتدى طلاب كلية التربية ________





    avatar
    sea lover

    عدد المساهمات : 255
    تاريخ التسجيل : 06/08/2010

    رد: مــا هــى الـســعـــادة؟؟؟؟؟؟

    مُساهمة من طرف sea lover في الإثنين أغسطس 30, 2010 12:49 am

    قمة السعادة لمريض إن الدكتور يفتح ورقة الأشعة أو التحليل ويبتسم ويقول له...خلاص خفيت...ما عندكش المرض اللعين


    اعتقد هى دى قمة السعادة بجد

    شكرا نسر و كلامك صح جداااا


    ______منتدى طلاب كلية التربية ________
    avatar
    نسر الشرق

    عدد المساهمات : 595
    تاريخ التسجيل : 16/08/2010
    العمر : 35
    الموقع : منتديات القصير البحر الأحمر

    رد: مــا هــى الـســعـــادة؟؟؟؟؟؟

    مُساهمة من طرف نسر الشرق في الإثنين أغسطس 30, 2010 3:40 am

    شكرا لمرورك سى لوفر
    وردك جميل فعلا


    ______منتدى طلاب كلية التربية ________






      الوقت/التاريخ الآن هو الأحد نوفمبر 18, 2018 6:07 pm