منتدى طلاب كلية التربية بالغردقة

اهلا وسهلا بك زائرنا العزيز ومرحبا بك ف منتدى طلاب كلية التربية بالغردقة . الرجاء التسجيل والاشتراك معنا ف اسرة المنتدى . حتى تتمكن من الرد ع المواضيع والتصويت واشراك رايك ومجهودك معنا .... شكر .. المدير " حمادة " .....,,
منتدى طلاب كلية التربية بالغردقة

منتدى خاص بطلاب كليةالتربية بالغردقة


    مـــن أســبــــاب مــــوت الـحـــب

    شاطر
    avatar
    نسر الشرق

    عدد المساهمات : 595
    تاريخ التسجيل : 16/08/2010
    العمر : 35
    الموقع : منتديات القصير البحر الأحمر

    مـــن أســبــــاب مــــوت الـحـــب

    مُساهمة من طرف نسر الشرق في الأربعاء أغسطس 25, 2010 4:19 am


    مـــن أســبــــاب مــــوت الـحـــب



    إنتى البنت إللى فى خيالى نفس الشعر و نفس العينين و نفس الجسم و...
    " دى أول جملة الولاد بيقولوها للبنات فى بداية إشتغالاتهم لبعض و طبعا بيكون رد البنات
    "إنت فارس أحلامى ناقصك حصان و خوذة و تبقى صورة طبق الأصل للواد إللى باحلم بيه"
    الحياة بتفضل طبيعية لمدة شهر تقريبا فى كل مقابلة الولد بيحلق دقنه و بيمسح الجزمة و يغسل سنانه و يكوى هدومه
    و البنت بتسرح شعرها و تحط ميك اب و بتلبس هدوم شيك و لكن بعد مرور الشهر إياه كل واحد بيزهق من التانى
    .. الولد بيرجع للكورة و لعب الاستيميشن و قعدة القهوة و البنت بترجع لصاحباتها و النميمة و الفرجة على التليفزيون و الرقص فى أوضة النوم
    و بعد ما كان حاطط لها نغمة "قصاد عينى" بقى يحطلها نغمة "كلهم بيقولوا كده فى الأول" ،
    السبب الحقيقى للمشاكل دى إن كل واحد بيزهق من التمثيل على التانى و بيبدأ كل واحد يظهر على طبيعته ، الولد بقى بيتأخر على معاده مع البنت ساعة و بيروح يلاقيها لسه ماجاتش و بينزل ضارب شعره جيل و منعكشه و مربى ذقنه و البنت بتيجى لمه شعرها بتوكة و من غير ميك آب .. و بعد ما كان بيشدلها الكرسى علشان تقعد بقى بينقى الكرسى النضيف و يقعد عليه و بعد ما كانت بتصمم إنها تشرب أى حاجة على مزاجه مابقتش تشرب غير قهوة سادة زى اليوم الإسود إللى مش هيعدى ،
    العيوب إللى كانت مستخبيه كلها ورا التمثيل بتاع أول شهر حب بتظهر و كل واحد بيقول للتانى انه لازم يتغير علشانه لو بيحبه بعد ما كان الواد بيقولها إنه عارف إن مشكلته انه عصبى و هى ترد عليه مش مهم يا حبيبى أنا هاستحمل و مش هاستفزك و اول ما يتنرفز عليها و شها بيتقلب و الدنيا بتضلم و بتتقمص شخصية منى زكى فى فيلم خالتى فرنسا و هاتك يا ردح و الموضوع كتير بيتطور ليصل إلى إشتباك بالأيدى و طبعا الولد مش هيسكت و البنت هاترجع رابطة عينيها و الولد هيرجع مجبس رجله و بعدين هيرجعوا لبعض تانى ، و لو قعدوا فى المطعم ياكلوا و هو عارف إنها مش بتحب الشطة مثلا هيدلق إزازة الشطة كلها فى الطبق إللى قدامها و هيقولها علشان تتعودى لما نتجوز و طبعا علشان ما تحصلش إصابات زى الحادثة إللى فاتت بتضطر تاكل و لو إتصلت به فى وقت متأخر فى البيت يقولها إقفلى دلوقتى عاوز أنام كلمينى بكره و لو إتصل بيها على الموبايل تقوله بابا قاعد معايا فى الأوضة و تقفل فى وشه السكة ، كل واحد بيكون مصمم إن التانى يتغير علشان يقدروا يكملوا مع بعض و الرد الطبيعى بيكون أنا كده و عمرى ما هاتغير عجبك على كده ماشى .. مش عاجبك كل واحد يروح لحاله ، المشكلة إن كل واحد مش بيصارح إللى بيحبه بكل حاجة بيفتكر إنه لو قال الحقيقة الطرف التانى هيقلبه ، لو بيحبوا بعض صحيح الإثنين هيستحملوا بس المشكلة إن ده كله تمثيل فى تمثيل و لما بيزهقوا كل حاجة بتظهر على حقيقتها






    ______منتدى طلاب كلية التربية ________





    avatar
    Admin
    الادارة

    عدد المساهمات : 570
    تاريخ التسجيل : 02/08/2010
    العمر : 28
    الموقع : القصير _البحر لاحمر

    رد: مـــن أســبــــاب مــــوت الـحـــب

    مُساهمة من طرف Admin في الأربعاء أغسطس 25, 2010 9:34 am

    جزاك الله كل خير

    وفعلا معاك حق لية الواحد مش بيصارح الانسان اللى بيحبة بكل حاجة دا اذا كان بيحبة بجد اصلا

    وتقبل مرورى


    ______منتدى طلاب كلية التربية ________





    avatar
    نسر الشرق

    عدد المساهمات : 595
    تاريخ التسجيل : 16/08/2010
    العمر : 35
    الموقع : منتديات القصير البحر الأحمر

    رد: مـــن أســبــــاب مــــوت الـحـــب

    مُساهمة من طرف نسر الشرق في الأربعاء أغسطس 25, 2010 3:15 pm

    مرورك أروع
    وردك أجمل
    شكرا لك


    ______منتدى طلاب كلية التربية ________





    avatar
    sweetpain

    عدد المساهمات : 170
    تاريخ التسجيل : 23/08/2010
    العمر : 28

    رد: مـــن أســبــــاب مــــوت الـحـــب

    مُساهمة من طرف sweetpain في الأربعاء أغسطس 25, 2010 8:00 pm

    لأ وايه بيسموه حب وكنت بحبها وكنت بحبه طب سبتيه ليه اصله مجاش اخدنى على حصان ابيض كان اهلاوى وجه بحصان احمر
    ربنا يهدينا
    avatar
    نسر الشرق

    عدد المساهمات : 595
    تاريخ التسجيل : 16/08/2010
    العمر : 35
    الموقع : منتديات القصير البحر الأحمر

    رد: مـــن أســبــــاب مــــوت الـحـــب

    مُساهمة من طرف نسر الشرق في الخميس أغسطس 26, 2010 2:40 am

    يـا إخــوانـا
    عـنـوان المــوضــوع ( مــن أسـبــاب مــوت الـحــب)
    يعنى مش كلها
    وفى ظروف آخرى بتتحكم فى إن الحــب ده يمـــوت


    ______منتدى طلاب كلية التربية ________





    avatar
    Cinderella Batty

    عدد المساهمات : 345
    تاريخ التسجيل : 04/08/2010

    رد: مـــن أســبــــاب مــــوت الـحـــب

    مُساهمة من طرف Cinderella Batty في الخميس أغسطس 26, 2010 8:12 am

    الحب بيضيع بسبب حاجات كتير
    ممكن علشان المادة
    او ممكن علشان في معارضة من الاهل
    او علشان اختيار غلط فضاع الحب
    او ممكن ما كنش حب من الاساس

    وبالنسبة لسؤال حمادة
    لأنه مش المفروض ان أي يحد يصرح بحبه لحد طول ما هو مش متأكد أنه الشخص
    ده بيحبه زي ما هو متأكد أنه بيحب الشخص ده
    ساعات بيكون خوف الانسان انه يلاقي رفض من الشخص اللي بيحبه لحبه
    كمان ان ممكن انه في حالة انه مبيصرحش بحبه ضامن انه يتواصل
    مع الانسان اللي بيحبه لكن في رأيه لو عرف طبعا الطرف التاني
    هيبتدي يبعد عنه او يتجنب التعامل معاه

    وحاجات كتــــــــــــــير ملهاش أول من أخر دول بس عينة


    ______منتدى طلاب كلية التربية ________


    avatar
    نسر الشرق

    عدد المساهمات : 595
    تاريخ التسجيل : 16/08/2010
    العمر : 35
    الموقع : منتديات القصير البحر الأحمر

    رد: مـــن أســبــــاب مــــوت الـحـــب

    مُساهمة من طرف نسر الشرق في الخميس أغسطس 26, 2010 4:11 pm

    شكرا مرورك سندريلا
    وشكرا على ردك الأروع


    ______منتدى طلاب كلية التربية ________





    avatar
    Admin
    الادارة

    عدد المساهمات : 570
    تاريخ التسجيل : 02/08/2010
    العمر : 28
    الموقع : القصير _البحر لاحمر

    رد: مـــن أســبــــاب مــــوت الـحـــب

    مُساهمة من طرف Admin في الجمعة أغسطس 27, 2010 9:02 am

    انا متفق تماما مع باتى ف كلامها


    ______منتدى طلاب كلية التربية ________





    avatar
    نسر الشرق

    عدد المساهمات : 595
    تاريخ التسجيل : 16/08/2010
    العمر : 35
    الموقع : منتديات القصير البحر الأحمر

    رد: مـــن أســبــــاب مــــوت الـحـــب

    مُساهمة من طرف نسر الشرق في الجمعة أغسطس 27, 2010 3:16 pm

    طبعا بالإضافة إلى حاجات تانية كتير
    المقصد إن عنوان الموضوع إن دى حاجة من اسباب موت الحب و الكتير منا بيقع فى الحاجات دى


    ______منتدى طلاب كلية التربية ________






      الوقت/التاريخ الآن هو الثلاثاء أكتوبر 23, 2018 10:16 pm